Gaurkotasuna

2018an sortu zen Orklin hondakin-beroa aprobetxatzeko eta energia-kontsumoa murrizteko azpiegitura garatzeko teknologia duten konpresore berriak izeneko proiektua, azken hamarkadan erositako aire konprimatuko konpresoreen energia-aprobetxamendua hobetzeko aukera bat hautematetik eta haiek berritzeko beharretik.

Konpresoreen eraginkortasuna oso txikia zela egiaztatu zen, eta aire bidez hoztu behar zirela gure kasuan. Uxatu behar den urteko bero-kantitatea 300.000 €-tik gorakoa izan zen. Proiektua aire hori ura berotzeko eta enpresaren prozesu industrialetan erabiltzeko ahalik eta gehien aprobetxatzeko helburuarekin sortu zen.

Urte hauetan, proiektua gauzatu eta haren aplikazio-eremua handitu da. Gaur egun, Orklik konpresoreek sortzen duten energiaren %58 kontsumitzen du Aramako lineetan, biltegian, termopareetan, talde magnetikoetan, Ceramateko zoru erradiatzailean eta bainu eta zerbitzuetarako ur bero sanitarioaren ekoizpenean, eta ehuneko hori nabarmen haziko da urte amaierarako.

Aprobetxamendu horrek 220.000 € aurreztuko ditu urtean, energia %100 berriztagarria izateaz gain, kontsumo elektrikoa murriztuz eta CO₂ isurtzea saihestuz.

Proiektuak guztien aurreikuspenak gainditu ditu eta ia 2M €-ko inbertsioa ekarri du; hala ere, IDAEren 609.915 €-ko diru-laguntza + %15eko zerga-salbuespena lortu da, eta horri gehitu behar zaio enpresarentzat energia-kontsumoan sortutako aurrezpena.

Onurak honela laburbil daitezke:

• Airea konprimitzeko makina eraginkorragoak.
• Aire konprimitua ekoizteko gaitasuna ia bikoiztu egin da, etorkizuneko lerroetarako.
• Konpresoreen ur beroa aprobetxatzea ekoizpen-prozesuetan, bainuetan, dutxetan, Lurzoru Erradiatzaile bidezko berokuntzan eta abarretan garbiketa-makinak berotzean kontsumo elektrikoa murrizteko, eta, ondorioz, termo elektrikoak kentzea.
• Aramako eta Ordiziako bidalketa-kaietako airea berotzea, barruko tenperatura mantentzeko eta langileen erosotasuna hobetzeko.
• Konpresoreek sortutako zarata gutxitzea.
• Linea automatikoen produktibitatea handitzea, ur osmotizatua berotu ondoren makinak martxan jartzeko itxaronaldiak ezabatzeagatik.
• Sistemaren kudeaketa integrala, parametro guztiak SCADAn monitorizatu, kontrolatu eta erregistratuz.

Emaitza bikain horiez gain, Orkliren barne-neurri horiekin, konpresoreetan energia-soberakin bat sortzen da, eta, beraz, udalarekin bilerak egin dira soberakin hori Majoriko kiroldegiko (Ordizia) igerilekuak berotzeko lagatzeko. Gainera, aukera dago inguruan dauden ikastola eta institutura zabaltzeko, eta Orklik beharrezko instalazioaren mugak jarri ditu.

2021eko martxoaren amaieratik, konpresoreen hondar-beroa modu mailakatuan aprobetxatzeko sistema abian jarri da, eta orain arte, 500.000 Kw/h baliatu dira Orkliren barne-prozesuetan, eta, ondorioz, 165,5 Tn CO₂ murriztu dira atmosferara.

Balio horiek asko handituko dira oraindik egiteke dauden garbiketa-makinen konpresoreen ACR sistemara konektatuta.

 Informazio-kartela